: চন্দনা পাঠক

তোমাৰ পথৰে এশাৰী চাকিয়ে
নীলিমা সৰাৰ কথাৰে
বৃষ্টিৰ গধূলি চুমিলে

তোমাৰ হাতৰ এমুঠি আৱেগে
ওঁঠৰ এবাটি ৰঙাৰে
এছাতি আকাশ সিঁচিলে

ঘন ঘন উশাহে
বুকুৰে মৰুকে
তিয়াই পেলালে

ৰিম্‌ ঝিম্‌ হেঁপাহে
শিলৰে চহৰক
বাসনা যাঁচিলে

গান এটি বৈ থাকে
দেহে মনে
মেঘ গলাৰ পৰতে

আধা তিতি ৰৈ আছে
এটি পণে
সপোনৰে বাটতে

নিয়নৰ তলতে অঘৰী কথাৰে
এখন গীটাৰৰ বেথাৰে
কবিতা নামিল বুকুলে’

পৰশৰ মৰমে এধানি হাতেৰে
বুকুৰ সঁজাটি খুলিলে
এজাক চৰাই উৰিলে

টুপ্‌ টুপ্‌ টোপালে
মুকুতা আঁৰিলে
দুচকুৰ পাহিতে

ঘৰ ঘৰ সপোনে
আকুল আঙুলিতে
আঙঠি পিন্ধালে

: চন্দনা পাঠক

ভাল ভাল বুলি বেচি আছে
ফাং ফুং ভাষণ
টাং বাং এটা ফাঁকি গিলি
লাং থাং জীৱন

ভেজা ফ্ৰাইৰ তাৱা
টি আৰ পিৰে ড্ৰামা
ভেজা ফ্ৰাইৰ তাৱা
টি আৰ পিৰে ন ন ড্ৰামা

বাং বিং হেন সাধুবোৰত
নৈতিক বিলাপ
লাং লিং সেই কথাবোৰত
বৌদ্ধিক আলাপ

জোতা পিন্ধি ঢকা
মৰেলিটিৰ ফটা জোতা
জোতা পিন্ধি ঢকা
মৰেলিটিৰ ফটা মোজা

ভাল ভাল বুলি বেচি আছে
ফাং ফুং ভাষণ
টাং বাং এটা ফাঁকি গিলি
লাং থাং জীৱন
ভাল ভাল ভাল ভাল ভাল ভাল ভাল ভাল ভাল ভাল…

ফাঁক্‌ফুক্‌ এটা ফন্দি আছিল
ভেড়াজাক পোহাৰ
ধাম্‌ খুম্‌ এটা টোপ দিছিল
বৰশী গিলাৰ

সাঁথৰ এটা ভাঙা
মৰাই জীয়াক টানি নিয়া
সাঁথৰ এটা ভাঙা
মৰাই জীয়াক টানি নিয়া

ভাল ভাল কাল ভাল ভাল ভাল
সব ভাল সব ভাল ভাল ভাল
ভাল ভাল কাল ভাল ভাল কাল ভাল ভাল ভাল ভাল…

বাং বাং কৈ বিজ্ঞাপনত
চাবোনৰ বেহা
দাগ ভাল হয় বগা চোলাত
ক’লা বা ৰঙা

চিগাৰেটৰ নিচা
ধোঁৱা গিলি ধোঁৱা এৰা
চিগাৰেটৰ নিচা
ধোঁৱা গিলি ধোঁৱা এৰা

ভাল ভাল বুলি বেচি আছে
ফাং ফুং ভাষণ
টাং বাং এটা ফাঁকি গিলি
লাং থাং জীৱন

ভেজা ফ্ৰাইৰ তাৱা
টি আৰ পিৰে ড্ৰামা
ভেজা ফ্ৰাইৰ তাৱা
টি আৰ পিৰে ন ন ড্ৰামা

: চন্দনা পাঠক :
কফিৰ ধোঁৱাবোৰে
সোধাৰ দৰে
নিবিষোৱা…কথাত
কোনে তিতে

ৰৈ যোৱা ক্ষণে
মম হৈ গলে
আজিও সেমেকে
জেপৰে ৰুমালতে
নীৰ হৈ কোনে
দুখৰে পিয়লা
হয়তোবা এথাল স্মৃতিৰ কথা
পাতি পাতি
শেষ নোহোৱা

অ’! নিয়ন চাকি
এন্ধাৰক আজৰাই দিবি
অ’! নিয়ন চাকি
মোৰ বাট পোহৰাই থ’বি
ৰাতি ৰাতি উঠে জাগি
শুই থকা কাহিনী
খালী বিছনাক
ভালপোৱাৰ চুমা দিবি

বৈ যোৱা ক্ষণে
মন লৈ গ’লে
অঘৰী ঘৰতে
উজাগৰ ৰাতিয়ে
ৰখি থাকে
ভুলৰেই সমাধি
হয়তোবা বুকুত কবৰ খান্দি
পুতি পুতি
কফিন এটি

: চন্দনা পাঠক
ভিজা ভিজা নীলা স্মৃতি
ডুবা ডুবা সন্ধিয়া
ধোঁৱা ধোঁৱা ছাঁয়া খেদি
আধাপোৰা শলিতা

মনে মনে আহি
মেঘে মেঘে ভাঁহি
কোনে আঁকি থোৱা ছবিখনি
এটি ৰঙা ছাতি
আধা তিতি তিতি
দুটি মনে ৰচা কাহিনীটি

নৈ পাহৰণি
আজি উভতি
কাৰ সোঁৱৰণি
সন্ধ্যা তৰাটি

নীলা নীলা নীল ভাবনাই
হাতে হাতে ধৰিছে
বাটে বাটে বকুল বুটলি
তুমি তুমি শুঙিছে

চকামকা পোহৰত
তুমি আছা নিলগত
ছয়াময়া এন্ধাৰত
এটি জোন কাষৰত

নৈ পাহৰণি
আজি উভতি
কাৰ সোঁৱৰণি
সন্ধ্যা তৰাটি

ৰঙা ৰঙা এখন ৰুমাল
সপোন সপোন সেমেকা
মচি মচি তোমাৰ স্মৃতি
বকুল বকুল গোন্ধোৱা
মনে মনে আহি
মেঘে মেঘে ভাঁহি
কোনে আঁকি থোৱা ছবিখনি
এটি ৰঙা ছাতি
আধা তিতি তিতি
দুটি মনে ৰচা কাহিনীটি

নৈ পাহৰণি
আজি উভতি
কাৰ সোঁৱৰণি
সন্ধ্যা তৰাটি
জিৰি জিৰি জিৰ বৰষা হ’ই
সৰি সৰি পৰিছে
শিলে শিলে খালী ভৰিৰে
খুপি খুপি নামিছে
চেঁচা চেঁচা উশাহত
বুকুৰ বাঁহী বতাহত
কঁপি কঁপি দাপোণত
পানীৰ ছবি সপোনত

ভিজা ভিজা নীলা স্মৃতি
ধোঁৱা ধোঁৱা৷সন্ধিয়া…